చెత్తాచెదారంతో రాయపర్తి ప్రధాన రహదారి.. ప్రజల ఆగ్రహం

ఉమ్మడి వరంగల్ జిల్లాలోని రాయపర్తి మండల కేంద్రం మీదుగా వెళ్లే వరంగల్–ఖమ్మం జాతీయ రహదారి చెత్తాచెదారంతో అపరిశుభ్రంగా మారింది. ప్రధాన రహదారి అయినప్పటికీ, అధికారులు చెత్త తొలగింపుపై దృష్టి సారించకపోవడంతో మంగళవారం స్థానికులు ఆగ్రహం వ్యక్తం చేస్తున్నారు. ఈ పరిస్థితి వల్ల దుర్వాసన, దోమలు, ఈగల బెడద పెరిగే ప్రమాదం ఉందని ప్రజలు ఆందోళన చెందుతున్నారు. అధికారులు స్పందించి రహదారి పరిసరాలను పరిశుభ్రంగా ఉంచాలని వారు డిమాండ్ చేస్తున్నారు.