రాములోరి ఊరేగింపు ఇరు పార్టీల మధ్య ఘర్షణ

చిల్పూర్ మండలం పల్లగుట్టలోని ఆంజనేయ స్వామి గుడి వద్ద శ్రీ సీతారామాంజనేయ స్వామి కళ్యాణ మహోత్సవం సందర్భంగా జరిగిన ఊరేగింపులో టీఆర్ఎస్, కాంగ్రెస్ నాయకుల మధ్య వాగ్వివాదం పెరిగి ఒకరిపై ఒకరు దాడి చేసుకున్నారు. ఈ ఘటనపై ఇరువర్గాలు పోలీసులను ఆశ్రయించాయి. కాంగ్రెస్ నాయకులు తమపై మొదట దాడి చేశారని టీఆర్ఎస్ నాయకులు ఆరోపిస్తుండగా, ఊరేగింపులో వెళుతున్న తనను పిలిచి దాడి చేశారని కాంగ్రెస్ నాయకులు అంటున్నారు. ఈ పరస్పర దాడిపై పోలీసులు విచారణ చేపట్టారు.