న్యాయవాదుల ఆధ్వర్యంలో గాంధీ, శాస్త్రి జయంతి వేడుకలు

ఉమ్మడి వరంగల్ జిల్లాలో, వరంగల్ (వెస్ట్), వరంగల్ (ఈస్ట్) బార్ అసోసియేషన్ల ఆధ్వర్యంలో జాతిపిత మహాత్మా గాంధీ, మాజీ ప్రధాని లాల్‌బహదూర్ శాస్త్రి జయంతి వేడుకలను శుక్రవారం ఘనంగా నిర్వహించారు. ఈ సందర్భంగా అధ్యక్షులు ఉపేందర్, రామకృష్ణ గాంధీజీ, శాస్త్రిజీ చిత్రపటాలకు పూలమాలలు వేసి నివాళులర్పించారు. దేశానికి వారు అందించిన సేవలు, సత్యం, అహింస, దేశభక్తి, క్రమశిక్షణ వంటి విలువలను నేటి యువత ఆదర్శంగా తీసుకోవాలని న్యాయవాదులు పిలుపునిచ్చారు.