పార్టీలకు అతీతంగా అర్హులకే ఇళ్లు ఇవ్వాలి.. బీజేపీ నేత

ధర్మసాగర్, వేలేరు మండలాల్లో మొదటి విడత ఇందిరమ్మ ఇళ్ల కేటాయింపులో నిబంధనలు ఉల్లంఘించి, అధికార పార్టీ నాయకులకు, ఆర్థికంగా స్థిరపడిన వారికి ప్రాధాన్యతనిచ్చారని బీజేపీ నేత పెరుమాండ్ల వెంకటేశ్వర్లు మంగళవారం ఆరోపించారు. ఈ మేరకు ఆయన హన్మకొండ కలెక్టర్, ఆర్డీఓలకు వినతిపత్రం అందజేశారు. అధికారులు స్పందించి, రెండో విడతలోనైనా పార్టీలకు అతీతంగా కేవలం అర్హులైన నిరుపేదలకే ఇళ్లు మంజూరు చేయాలని ఆయన డిమాండ్ చేశారు.