కాజీపేటలో రోడ్డు ప్రమాదం.. స్కూటీని ఢీకొన్న బొలెరో

కాజీపేట పోలీస్ స్టేషన్ పరిధిలో, డీజిల్ కాలనీ వద్ద బుధవారం తెల్లవారుజామున బొలెరో వాహనం స్కూటీని ఢీకొనడంతో ఘోర ప్రమాదం జరిగింది. ఈ ఘటనలో స్కూటీ వెనుక టైరు ఊడిపోయి, ప్రయాణికుడికి తీవ్ర గాయాలయ్యాయి. స్థానికులు వెంటనే స్పందించి బాధితుడిని ఆసుపత్రికి తరలించారు. ఈ ప్రాంతం బ్లాక్ స్పాట్ అయినప్పటికీ అధికారులు చర్యలు తీసుకోవడం లేదని, GWMC కమిషనర్ CP, పోలీసు అధికారులు చర్యలు చేపట్టినా ఫలితం లేదని ప్రజలు ఆరోపిస్తున్నారు. వెంటనే సమస్యను పరిష్కరించాలని వారు కోరుతున్నారు. పోలీసులు కేసు నమోదు చేసి దర్యాప్తు చేస్తున్నారు.