ఆశా కార్యకర్తలపై పోలీసుల అమానుషం: నైటీల్లోనే స్టేషన్‌కు తరలింపు

హన్మకొండ జిల్లాలో శ్రీరామ నవమి వేళ ఆశా కార్యకర్తలకు అవమానం జరిగింది. తమ న్యాయమైన డిమాండ్ల కోసం పోరాడుతున్న ఆశా వర్కర్లపై పోలీసులు అర్ధరాత్రి వేళ అమానుషంగా ప్రవర్తించారు. కనీసం దుస్తులు మార్చుకునే సమయం కూడా ఇవ్వకుండా నైటీలపైనే పోలీస్ స్టేషన్‌కు తరలించడం పట్ల సర్వత్రా నిరసనలు వ్యక్తమవుతున్నాయి. మహిళా రక్షణపై కాంగ్రెస్ ప్రభుత్వం చేస్తున్న ప్రకటనలు వరంగల్‌లో అభాసుపాలయ్యాయని విమర్శలు వస్తున్నాయి. ఈ ఘటన ఉమ్మడి వరంగల్ జిల్లా, వర్ధన్నపేట, వరంగల్ (ఈస్ట్) ప్రాంతాల్లో చోటుచేసుకుంది. ఈ సంఘటనపై 'ఆశా వర్కర్లపై ఖాకీల జులుం, అర్ధరాత్రి అరాచకం' అంటూ బ్రేకింగ్ న్యూస్ వస్తోంది.