ఆర్మీ కంచుకోట మద్రాస్‌ రెజిమెంట్‌లో ఆయుధాల చోరీ

హైదరాబాద్‌ కంటోన్మెంట్‌లోని అత్యంత కట్టుదిట్టమైన ఆర్మీ స్థావరంలో ఆయుధాల చోరీ కలకలం రేపుతోంది. బొల్లారం పోలీస్‌ స్టేషన్‌ పరిధిలోని మద్రాస్‌ రెజిమెంట్‌లో ఆయుధాలు భద్రపరిచే గది తాళం పగులగొట్టి 12 ఆయుధాలను దుండగులు ఎత్తుకెళ్లారు. 4 ఏకే-47లు, 6 పిస్టళ్లు, ఒక ఇన్సాస్‌ రైఫిల్‌తో పాటు మందుగుండు సామగ్రి చోరీకి గురైనట్లు తెలుస్తోంది. ఆదివారం రాత్రి ఈ ఘటన జరిగినట్లు ఆర్మీ అధికారులు గుర్తించారు. చోరీకి గురైన ఆయుధాల విలువ సుమారు రూ.15 లక్షల వరకు ఉంటుందని అంచనా.