ఎల్ నినో ఏర్పడినప్పుడు ఏం జరుగుతుంది?

తీవ్రమైన ఎల్ నినో ప్రభావంతో ప్రపంచవ్యాప్తంగా వాతావరణంలో తీవ్ర మార్పులు చోటుచేసుకుంటాయని నిపుణులు హెచ్చరిస్తున్నారు. దక్షిణ అమెరికా, ఆగ్నేయాసియా, ఆస్ట్రేలియాలో కరువు, కార్చిచ్చులు, అమెరికాలో భారీ వర్షాలు, భారత్‌లో రుతుపవనాల బలహీనత వంటి పరిణామాలు సంభవిస్తాయి. దీనివల్ల వ్యవసాయ రంగం కుదేలై, ఆహార ధరలు పెరిగి, ఆర్థిక వ్యవస్థలకు భారీ నష్టం వాటిల్లుతుంది. మనిషి సృష్టిస్తున్న వాతావరణ మార్పులకు, ఎల్ నినో కలవడం వల్ల విపత్తులు తీవ్రతరం అవుతాయని శాస్త్రవేత్తలు ఆందోళన వ్యక్తం చేస్తున్నారు.