భారత్, అమెరికా అంతరిక్ష సహకారం మరింత బలపడనుంది. చంద్రుడిపై మానవులను పంపే ప్రతిష్టాత్మక ఆర్టిమెస్ మిషన్‌లో భాగస్వామి కావాలని ఇస్రోను నాసా ఆహ్వానించింది. చంద్రునిపై శాశ్వత నివాసం ఏర్పాటు చేయడం, శాస్త్రీయ పరిశోధనలు, కొత్త టెక్నాలజీల అభివృద్ధి, అంగారక గ్రహ యాత్రలకు ఈ మిషన్ కీలకం. ఆగస్టు 5, 6 తేదీల్లో బెంగళూరులో జరిగిన భారత్-అమెరికా సివిల్ స్పేస్ జాయింట్ వర్కింగ్ గ్రూప్ 9వ సమావేశంలో ఈ అంశాలపై చర్చలు జరిగాయి. 2023 జూన్ 21న భారత్ ఆర్టెమిస్ ఒప్పందంలో చేరింది.