కార్తీక మాసంలో.. శివారాధన ఇలా చేస్తే కోటిగుణాల ఫలితమట

కార్తీకమాసం శివుడికి ఎంతో ప్రీతికరమైనది. ఈ మాసంలో మారేడు దళంతో శివుడిని అర్చిస్తే పాపాలు నశిస్తాయని పండితులు చెబుతున్నారు. మారేడు దళం శ్రీమహావిష్ణువుకు కూడా ప్రీతిపాత్రమైనది. మూడు ఆకులతో ఉండే మారేడు దళం సత్యం, జ్ఞానం, అనంతం అనే పరమాత్మ స్వరూపాన్ని సూచిస్తుంది. తొమ్మిది ఆకులతో ఉండే అతి మారేడు దళాన్ని సమర్పిస్తే మరింత ఆధ్యాత్మిక శ్రేయస్సు లభిస్తుంది. కార్తీక మాసంలో దీపదానం, తులసీదళార్పణం, మారేడు దళార్పణం వంటి ఆచారాలు మనసును పవిత్రం చేసి, శాంతిని, ఐశ్వర్యాన్ని, ఆనందాన్ని కలిగిస్తాయి. కార్తీక పౌర్ణమి రోజున దీపారాధన చేయడం అత్యంత పుణ్యప్రదం.