నల్గొండ: జాతీయ రహదారిపై తప్పిన పెను ప్రమాదం!

విజయవాడ-హైదరాబాద్ జాతీయ రహదారిపై కట్టంగూరు మండలం ఏర్సానిగూడెం వద్ద ఆర్టీసీ బస్సు అదుపుతప్పి డివైడర్‌ను ఢీకొట్టింది. హైదరాబాద్ నుంచి విజయవాడ వెళ్తున్న ఈ బస్సు ప్రమాదానికి గురైనప్పటికీ, అదృష్టవశాత్తూ ప్రయాణికులెవరికీ ఎలాంటి గాయాలు కాలేదు. ప్రయాణికుల సౌకర్యార్థం అధికారులు వెంటనే మరో బస్సును ఏర్పాటు చేసి వారిని గమ్యస్థానాలకు తరలించారు. ఈ ప్రమాదానికి గల పూర్తి కారణాలపై ఇంకా స్పష్టత రావాల్సి ఉంది.